Walter Bistro (智選假日酒店) (已結業)

同朋友好多時諗唔到食咩都會選擇去食放題或自助餐，因為總有野啱食，大家開心啦。今次我哋揀左平時少食嘅半自助餐，主菜當然有一定質素，但估唔到出面自餐區，好啱食，水準奇高喎！每人有一盅燉湯同半隻龍蝦，兩者味道都好唔錯。一般食自助餐我都會食一碟生果打打底，冇咁吸收嘛。 呢度好多生果選擇，又新鮮，啱晒我呢個果迷。 跟住就到海鮮，refill算快。 蝦、龍蝦鉗、螺、青口、長腳蟹、花蟹都有，最好食係長腳蟹，忍唔住食完又食。最正係有即開生蠔，開頭係細隻啲嘅生蠔，跟住竟然有大隻嘅Gillardeau，兩都都係好鮮甜！刺身當中帶子係必食的，大大粒又軟滑。海膽壽司粒海膽係原粒好大粒呀！主菜環節，揀左【西班牙黑毛豬排配薯蓉及法國玉豆】同【野菌松露汁配半熟蛋蟹肉波菜】黑毛豬肉質彈牙，油脂豐富。  另一道菠菜就輕盈清新啲，食完仲可以再戰其他美食。甜品方面，除左擺出嚟嘅部份甜品，仲有甜品柜架。 最愛係呢度嘅Tiramisu，口感幼滑，咖啡味又重。雪葩同Movenpick 雪糕都係任食。除左每人一杯餐茶，記住留意出面仲有益力多任攞架。食物高質、裝修高貴、地方好闊落、空間感十足，仲要無限時，我鍾意！