阿元來了 (已搬遷) 新店位置

阿元從來來唔會令我失望，從門面到食物質素都好大讚👍🏻👍🏻👍🏻而價錢都非常之合宜😚每次嚟到都會叫佢個滷肉飯！唔好睇佢個樣細細兜咁，其實都好飽架！佢啲牢獄全部都係半肥瘦，啖啖飯都充滿着豬油香😍再加埋有個酸蘿蔔好吊胃！！ (9/10)另外佢個鹽酥雞都係招牌菜！新鮮炸起，咬落去脆卜卜咁而且唔會過鹹😍一碟都起碼有六舊夠哂數 (8/10)跟住仲有蚵仔煎都係要推介！！佢同平時我哋食開嘅蠔餅好唔同，d蠔好大粒而且個皮煙煙韌韌咁，上面有一Pat燒汁，店員仲好有心思咁畫左個笑哈哈係上面添，好有愛😍 (8.7/10)不過閒日其實都幾多人架六點鐘嚟到就唔使排咁耐啦😆