Running 燒 (已結業)

之前喺呢一層食日本嘢發現到原來呢度開咗間韓燒餐廳今日同朋友好耐冇聚就決定嚟呢度食下貪佢時間夠長可以慢慢傾但係估唔到原來佢啲食物都好有驚喜 確實係朋友相聚好地方作為韓燒餐廳佢嘅燒烤類食物我覺得都已經好出色 主要係啲醃料唔會太鹹同濃味 啲肉亦食起唔會好霉 淨係牛肉豬肉都好多種部位同味道可以揀 而且呢個價錢仲有咁多海鮮 真係超值 我地狂燒蠔 扇貝 魷魚 覺得回本d haha有時韓燒好似感覺一味燒肉 食黎食去同一隻味 但係呢度仲有咁多其他非燒烤選擇 就真係非常唔錯韓式炒粉絲同炒年糕係我最鍾意食嘅 佢另外仲有水冷麵 年糕湯 辛辣麵等等最後其實已經都好飽 不過見到有咁多甜品同雪條 點都要過埋最後嘅口癮 今晚就由佢爆肚喇