影片
更多
2017-06-25
55 浏览
有陣時好快傳單呢樣野就真係好有用，當我漫無目的想搵下食啲乜嘢嘅時候，傳單見到平均一個＄198一個人唔使，咁吸引嘅價錢就可以打到海鮮火鍋，所以我地就俾佢吸引左。如果要正確啲來講嘅話，其實係四人同行一人會有免費，而平日一至四來講係＄265一個人，咁所以除翻開就大概＄198就可以埋到單。海鮮係根據人頭嘅份量而定嘅，而拒海鮮嘅選擇同埋質素都非常之好，每人有半隻龍蝦，南非嘅鮑魚仲會有青口同埋三種唔同嘅蜆等，講真淨係食半隻龍蝦同埋嗰隻南非鮑魚已經超出左100蚊嘅範圍。個人來講一向都好鍾意食南非鮑魚多過大連鮑魚，因為食落去嘅質感會比較煙韌，同埋比較厚身，真係一分錢一分貨。龍蝦來講呢度絕對唔輸蝕，除咗龍蝦肉非常鮮甜同爽身之外，佢仲會有膏。打邊爐咁梗係唔少得肥牛啦，如果無選擇比較靚啲嘅安格斯牛柳粒的話，可以選擇佢而家呢一個優惠，就係喺facebook打咭，大家就可以任食肥牛。雖然呢個肥牛嘅質素唔屬於話好高級，但係對於呢個價錢來講，性價比高。其實食到呢度佢比嘅海鮮份量同埋任食嘅肥牛已經好飽，但係如果仲未夠飽嘅話就可以食埋其他嘅火鍋料。例如我推介佢呢一個墨魚丸，雖然細細粒但係咬落去會有墨魚粒粒，真材實料。另
如果要正確啲來講嘅話，其實係四人同行一人會有免費，而平日一至四來講係＄265一個人，咁所以除翻開就大概＄198就可以埋到單。
海鮮係根據人頭嘅份量而定嘅，而拒海鮮嘅選擇同埋質素都非常之好，每人有半隻龍蝦，南非嘅鮑魚仲會有青口同埋三種唔同嘅蜆等，講真淨係食半隻龍蝦同埋嗰隻南非鮑魚已經超出左100蚊嘅範圍。
個人來講一向都好鍾意食南非鮑魚多過大連鮑魚，因為食落去嘅質感會比較煙韌，同埋比較厚身，真係一分錢一分貨。
龍蝦來講呢度絕對唔輸蝕，除咗龍蝦肉非常鮮甜同爽身之外，佢仲會有膏。
打邊爐咁梗係唔少得肥牛啦，如果無選擇比較靚啲嘅安格斯牛柳粒的話，可以選擇佢而家呢一個優惠，就係喺facebook打咭，大家就可以任食肥牛。雖然呢個肥牛嘅質素唔屬於話好高級，但係對於呢個價錢來講，性價比高。
其實食到呢度佢比嘅海鮮份量同埋任食嘅肥牛已經好飽，但係如果仲未夠飽嘅話就可以食埋其他嘅火鍋料。例如我推介佢呢一個墨魚丸，雖然細細粒但係咬落去會有墨魚粒粒，真材實料。
另外呢個海鮮菇我都係覺得比較好食嘅，佢其實就係街市會買到嘅鮮茶樹菇，食落會比普通菇爽身，好食。
我覺得呢度嘅火鍋係融合咗蒸氣火鍋同埋普通火鍋。用粥底來打邊爐，用咗蒸氣鍋，只會集中喺中間發出熱力，令到每份嘅食物都會被粥嘅密度包圍，用慢煮嘅速度去煮保持住食物最原有嘅鮮味，而又唔會因爲火太大容易煮得過老。
张贴
