老蔡台灣牛肉麵x茶茶滾

今日星期日同老公入大美督行吓，去龍尾灘曬吓太陽，嗰日都好多人，好彩車位充足入嚟都唔使塞車，我哋喺沙灘曬緊太陽嘅時候已經睇定今晚食咩，見到前面有一間台灣菜，好似好好食就打電話去訂枱試吓。
夜晚6:00天都未黑我哋去到老蔡台灣牛肉麵，好彩留咗枱，坐低落20分鐘已經成堆人衝入嚟

我哋叫咗個開不了口套餐，佢個套餐仲包一杯嘢飲，我叫咗鴨屎香手打檸檬茶，杯野夠大杯又夠凍，呢間店舖係用香水檸檬，飲得好正

嚟咗個開不了口套餐，牛肉好腍滑，湯底濃厚藥材味超正，飲完成個人好舒服，仲有台灣腸，地瓜條都好好味。

跟住另外叫咗碗麻辣鴨血冬粉（走青），鴨血又大件又正，

係個湯辣左小小，但麻辣味好香好正食到停唔到，見到出邊開始有人排隊，所以我哋都嗱嗱臨食完走，埋單唔使$300唔錯。