雞吧

营业中

休息中

今日嚟到石門的一間小店，好耐之前已經嚟過，當時叫咗沙律餐，今次就邪惡啲，叫咗一份乜醬都有炸雞拼盤，總共有24件炸雞！店員超好態度，亦有提醒呢個炸雞拼盤，有部份味道係唔包括在內嘅。俾咗錢之後，等大約7-10分鐘，就已經可以拎走喇。佢哋係即時炸起，所以非常之香，如果喜歡的話，除咗外賣，仲可以堂食添。每盒雞都有齊雞翼同純雞肉，啱晒唔同人嘅喜好。呢個拼盤仲有勁多醬，完全可以每啖都點唔同味🫢 岩哂選擇困難症人士～芸芸咁多隻味當中，我最推薦車打芝士、黑松露蛋黃醬、甜辣、柚蜜檸檬。車打芝士好濃芝士味，但係又唔會好漏；黑松露蛋黃醬，加配薯條係最好食；甜辣就係非常之韓式炸雞嘅味道，柚蜜檸檬酸酸甜甜又好清新！至於其他味道，其實都唔錯，不過個人覺得蜜糖味嗰啲就相對比較甜啦～不過我都唔肯定自己有冇配對錯咗啲嘅味道，如果店家可以喺每盒醬上面貼番個label就更加好啦～😛至於炸雞，最重要就係香脆，佢每一舊都係炸到脆卜卜，一咬落去係有聲嘅！而且總共$200都唔使，平過連鎖店多多聲😍😍 好高汁！