塚田農場 (已結業)

好耐沒有同老婆係尖沙咀行街食飯睇夜景喇，行行街順便睇有咩好食的店舖，但見到有間日本開過來的店舖有得食美人鍋，美人鍋是係呢間店舖的名菜，老婆立刻話去試下。【美人鍋】聽店員說這間店舖標榜食材新鮮為主。一黎到見到個湯底好似一個布甸咁樣，之後加熱了後當然試飲個湯先啦，雞味濃郁，非常creamy，但飲了一口之後完全感受到骨膠原嗰種口感。店員再幫我們配上各式各樣蔬菜同免治雞肉，蔬菜吸收個湯嘅精華，雞件非常嫩滑。值得推介!!【炭燒走地雞（鹽味）】店家採用日本走地雞，雞肉比較結實有彈性，石板烤到雞皮脆卜卜，味道鮮甜多汁，非常滋味！【焙茶餡蜜芭菲】芭菲材料非常豐富，有花形蕎麥餅，嶡餅，焙茶雪糕，白玉，啫喱，紅豆等等，本身各款餡料味道不算太甜，食時加上黑蜜增加甜味，焙茶雪糕茶香味濃，而嶡餅，啫喱，軟淋爽彈，有淡淡焙茶味，整體感覺不錯！【菜乃花-mocktail】雞尾酒名字相當特別，味道酸酸甜甜，有淡淡的柚子香氣，非常清新。