影片
更多
2018-04-18
87 浏览
睇得又食得！自從做咗上班族之後，每日都淨係返工放工，同朋友見面嘅時間真係越來越少，所以每次約親啲好耐冇見嘅朋友，都希望去啲靜靜地又舒服嘅地方，方便傾下心事，話下當年咁。要約tea，當然就要揀間夠靚，夠Gimmick，同夠就腳㗎啦！早前喺Ig見到啲相，覺得幾靚，仲近近地，於是就決定試一試！ 一上到去，就覺得好有藝術館嘅感覺。成間店舖以黑白為主，牆身掛咗簡約色調嘅畫作，非常有格調。雲石bar檯包圍住甜品師傅嘅工作空間，方便客人影相。仲有落地大玻璃窗，夠曬光猛，影打卡照簡直一流。一去到，佢有九款甜品揀，Menu嘅另一頁亦有飲品可供選擇。一場黎到，當然係要試吓佢嘅招牌嘅席前甜品啦！點餐後，師傅先俾咗兩杯士多啤梨醒醒胃。士多啤梨汁用test tube裝住，酸甜度啱啱好！好refreshing!之後就輪到戲肉，就係甜品上場嘅時候喇！師傅問我地有冇食物敏感，以防我地陣間有咩唔妥。仲會俾我地揀「畫作」嘅底色， 有黑色白色選擇，為咗突出顏色，我地揀咗黑色。師傅一開始先落蜜瓜粉， 再用椰子味嘅醬同芒果醬起稿。再以紅莓醬同菠蘿乾做base。加上紅藍莓，紅莓味脆米同金桔啫哩。再落抹茶mochi, 焦糖脆脆，黑
自從做咗上班族之後，每日都淨係返工放工，同朋友見面嘅時間真係越來越少，所以每次約親啲好耐冇見嘅朋友，都希望去啲靜靜地又舒服嘅地方，方便傾下心事，話下當年咁。
要約tea，當然就要揀間夠靚，夠Gimmick，同夠就腳㗎啦！早前喺Ig見到啲相，覺得幾靚，仲近近地，於是就決定試一試！
一上到去，就覺得好有藝術館嘅感覺。成間店舖以黑白為主，牆身掛咗簡約色調嘅畫作，非常有格調。雲石bar檯包圍住甜品師傅嘅工作空間，方便客人影相。仲有落地大玻璃窗，夠曬光猛，影打卡照簡直一流。
一去到，佢有九款甜品揀，Menu嘅另一頁亦有飲品可供選擇。一場黎到，當然係要試吓佢嘅招牌嘅席前甜品啦！
點餐後，師傅先俾咗兩杯士多啤梨醒醒胃。
士多啤梨汁用test tube裝住，酸甜度啱啱好！好refreshing!之後就輪到戲肉，就係甜品上場嘅時候喇！師傅問我地有冇食物敏感，以防我地陣間有咩唔妥。仲會俾我地揀「畫作」嘅底色， 有黑色白色選擇，為咗突出顏色，我地揀咗黑色。
師傅一開始先落蜜瓜粉， 再用椰子味嘅醬同芒果醬起稿。
再以紅莓醬同菠蘿乾做base。
加上紅藍莓，紅莓味脆米同金桔啫哩。
再落抹茶mochi, 焦糖脆脆，黑朱古力布甸，黑朱古力片， 蜜瓜奶凍同梨子奶凍。
跟住落黎就係震撼嘅一part, 就係師傅用液態氮即席去整嘅杏脯雪葩同朱古力竹炭雪糕！ 煙幕瀰漫，超有畫面！
最後加上龍鬚糖，大功告成！
開動了！
龍鬚糖食落個味道有粟米同焦糖味~有d似爆谷！杏脯味雪葩帶果香，味道偏酸；竹炭朱古力雪糕用上dark chocolate, 帶點苦甜味，可可味濃，啱啱好中和咗雪葩嘅酸味，very nice!
蜜瓜奶凍好濃蜜瓜味，夠香，但味道自然唔會有artificial感覺，果香同奶味剛好，唔會被任何一方搶咗風頭。梨子奶凍又係另一感覺，質感較creamy，奶味較濃郁。
綠茶mochi煙un， 感覺會偏向返啫喱而非糯米糍味。微甜，綠茶粉香；柑桔啫喱微微酸，未放落口已經聞到柑桔香味飄出黎，兩樣都好light，就算食多粒都唔會過飽。
加上黑朱古力片同焦糖脆脆，香味濃郁，脆到好似食薯片咁！
仲叫咗一杯cappuccino同insomnia!（即蜜糖鮮奶）
總括來講，一份畫出黎嘅甜品可以試到唔同嘅味道，口感，實在係味蕾同視覺嘅大滿足！連同行朋友都話下次要encore!
张贴
