富記粥品 (已結業)

小弟唔多鐘意寫食評，但係今次不吐不快。。。。事緣家住旺角都未去過富記，今日女友有少少唔舒服，見到上一個食評既半肥瘦义燒飯加皮蛋牛肉粥好靚，咁就一於幫襯富記喇！六點幾到達舖頭都幾多食客但唔駛等，坐底後伙記送上熱茶、碗碟加筷子，兩對筷子都係好油好唔掂，自己用茶洗左都算可以！我點了半肥瘦义燒飯，點知比左瘦义燒飯，心諗都 OK 一於照食喇。唉，义燒冇味肉鞋夾硬，連出面紅色部份都係冇味，飯過淋時汁又淡。。。唔掂，最後都係冇食晒！女友碗皮蛋牛肉粥就話唔錯，粥好綿好多料，但係我都冇乜心機試。。。食完沖沖走人，一定冇下次！