東京食堂 (已結業)

首先講下，呢間舖嘅位置，冇人帶冇人提示你，單靠google你係唔會搵到。終於搵到嘅時候已經要啖門口列隊，因為同一時間佢只可以招待五張二人檯，唔係佢串佢囂張而係佢地方真係好細。聽聞佢呢間嘢出名嘅係鰻魚，咁我個午中好愛食鰻魚，咁當然唔叫唔得啦。除左飯外佢都有啲麵呀小食呀同燒物呀咁啦。因為定食佢都有分幾款啲，咁我同男朋友就分別嗌左兩個唔同嘅，一個加三十蚊一個加六十蚊。呢位六十蚊其實比三十蚊多左個龍蝦沙律，紅豆麻薯同埋芥末八爪魚鬚。普通嘅三十蚊定食就有凍豆腐同面豉湯。個人覺得普通定食就好夠，因為要留qouta嗌小食（無論無銀包定係個胃都要🤣)佢啲前菜就普普通通，重點係鰻魚都好好食，咁嘅價錢出面連鎖店唔會食到呢啲質素。小食我嗌左明太子雞翼，佢睇落比出面果啲大隻，咬開後啲雞肉都係白雪雪滑嘟嘟，唔會烤到乾晒。👍🏼燒菠蘿超好食，超juice，佢外層有焦糖，所以睇落去乾身，但一咬落去勁多汁，酸酸甜甜。👍🏼飲品就嗌左個芒果紅茶，普通正常嘅味道。男朋友就嗌左蜂蜜梳打水，佢啲蜂蜜撈極都焦沈喺底，所以頭幾啖會飲晒啲蜜糖，後尾只淨飲梳打水。整體嚟講，呢間嘢正，想食鰻魚嘅時候一定會再嚟。