御滿屋日本料理

营业中

休息中

終於放監啦，點都要食餐勁啦，任食放題就正啦，好耐冇食，魚生壽司我全部都要。首先掃個曲落定啲魚生壽司炸物先，之後岀面行個圈睇下有咩食。飲品都有三個大雪櫃。仲有炸物、甜品同海量前菜。番埋位有野食，刺身都幾新鮮，壽司一口啱啱好，唔會太大舊飯，食到飽晒。煎羊架好岀色，咬大大啖，唔韌好有肉地，少少黑椒味辟走羊羶味，唔錯。呢度仲有魚翅食，都幾足料架！炸物新鮮熱辣炸起，芝麻雞翼夠香脆，榴槤波波必試，外脆內軟，好香榴槤味。一人一碟牛肉粒唔使爭食，牛肉粒沾滿醬汁唔會乾。甜品仲有Haagen Dazs雪糕。