Eggy (已結業)

平時去屯門的話基乎都係食柏麗既food magazine , 無他既 又平又健康, 記得朋友講起開左間蛋吐司都幾好食 今日過黎就試試佢啦 ＼(・ω・)/▸ 牛油果黑松露蛋芝士吐司 $42可能我算早, 落單到拎到手都係5-8分鐘左右. 外形好吸引望落超足料, 勁厚既炒蛋🥚同夾左好多牛油果🥑店員好細心咁包好吐司俾我外賣拎走. 一路拎住都聞到好香好香既黑松露味(*≧∀≦*) 味道都有90分！呢款既感覺好健康無負擔～ 內餡仲有生菜芝士沙律同蟹子, 成個包除左配色豐富, 食材都非常新鮮同足料. 起初覺得$42都有點小貴, 但食完其實都飽飽地, 女仔當一餐都ok 😋