茶樂 (已結業)

喺尖沙咀食完飯行返旺角，經過佐敦時見到呢間「茶樂」，比門外嘅紫芋之戀餐牌所吸引着，身為芋頭控嘅我梗係要即刻試試而店舖其實係主打手作珍珠，所以另外亦設有手打珍珠系列同其他特色茶飲系列，價錢適中唔算貴粒粒芋頭鮮奶配手作紫薯珍珠一見到杯野真係心心眼呀，芋頭同紫薯珍珠佔據了三份二杯，非常足料！點左無糖少冰，飲到天然嘅芋頭香甜味，仲有粒粒芋頭口感，粉粉的，好好食！手作紫薯珍珠則好有咬口，煙韌彈牙，但紫薯味唔算好重。鮮奶好有奶香，入口每啖都係芋頭同珍珠，超正啊！奶蓋碳培烏龍茶烏龍茶味濃而不澀，奶蓋頗有奶香，芝士味欠奉。喜歡芝士味的要留意嚕，餐牌上只寫着奶蓋並沒有芝士呢兩個字，所以只有奶味都係合乎情理嘅🙈