燚火鍋專門店 (已結業)

母親節，同左媽媽一齊去九龍城打邊爐，九龍城雖然好多泰國菜，其實都有唔少火鍋店。最近聽朋友講呢度推出一個一蚊喎，好似幾抵食，所以去試吓啦。由於母親喜歡吃海鮮，所以我哋除咗叫咗個一蚊嘅貝貝鍋之外，仲叫咗個龍蝦海鮮拼盤，當然仲有其他嘅火鍋配料，例如係我最愛嘅腐竹生菜等等。海鮮拼盤實在非常值得一讚，龍蝦超大隻，仲有鮑魚、蝦、帶子等等。全部都非常新鮮！另外仲叫咗個醉雞，用醉雞打邊爐都真係第一次！但淥完之後都幾有酒味，雞都非常之滑嫩，味道非常令人驚喜！總括依然，宵夜時段去非常抵食，有一蚊窩，其他時段其實價錢都唔算貴，適合大班人聚會！