殿 大喜屋

营业中

休息中

我地即興食中午放題，平心而論食物質素只係中規中矩，但服務態度認真趕客。因為即興關係冇訂枱，遲左少少1點20分先入座，落單後第一轉食物1點35分左右到，食到2點左右，已經有個侍應同我地講要快啲落單，一陣3點落場。跟住2點10分已經有侍應過來埋單，又同我講就快last order。2點30分又來同我講截單，2點53分已經同我講話要交枱，我諗住望一望錶仲有7分鐘食埋杯雪糕啦，3點正有侍應來掃曬檯面所有野好惡話要即交枱。我明白你哋要落場，而我亦都唔係第一次食放題，以咁樣趕客方式落場真係大開眼界，仲同我講下次早啲嚟，我簡單回應佢一句冇下次。整個用餐經驗極壓迫，同場仲有大陸團友，大家想有個特別嘅體驗不妨一試，我就請都唔會再去。