影片
更多
2018-11-14
42 浏览
今日同朋友去銅鑼灣shopping, 晚飯時分朋友提議食日本菜，所以就決定試下居酒屋。呢一間居酒屋位於銅鑼灣登龍街，一出地鐵站行唔夠5分鐘就到。一入到去，即刻尤如置身日本一樣，裝修比起一般既放題日本菜更有日本風味，環境十分寬闊，比人一種十分舒服既感覺。坐底冇耐，職員就為我地細心介紹餐廳食材，而且呢間居酒屋可以要求由師父發辨，「OMASKASE」岩晒我地呢D選擇困難症既人。首先師父為我地準備左一個軟殼蟹沙律作為一個前菜，原隻既軟殼蟹上碟，賣相非常吸引，而且沙律醋味道非常開胃醒神。第2道菜就係一個鵝肝海鮮蒸蛋，賣相非常精緻，蛋上面有一塊幾厚身既鵝肝，蒸蛋非常滑，而且海鮮非常足料，有蝦、螺，魷魚，令到個蛋非常有觧味。跟住就係一個刺身拼盤，呢個拼盤有5種刺身，每一種都係由師父因應每日最新鮮既食材而挑選。第一款係魚安魚康魚肝，魚肝係一個擁有高營養既食材，師父仲配合特別醬汁同埋中華沙律，令到魚肝食落去一D腥味都冇，而且魚油豐富，味道濃郁。第二款就係北海道牡丹蝦，非常新鮮，外表晶瑩剔透，肉質非常彈口爽口，而且仲有一種新鮮新蝦必有既膠質感覺，非常鮮甜。第三款就係醬汁生蠔，生蠔大隻而且飽滿，配合日式醬汁
今日同朋友去銅鑼灣shopping, 晚飯時分朋友提議食日本菜，所以就決定試下居酒屋。呢一間居酒屋位於銅鑼灣登龍街，一出地鐵站行唔夠5分鐘就到。一入到去，即刻尤如置身日本一樣，裝修比起一般既放題日本菜更有日本風味，環境十分寬闊，比人一種十分舒服既感覺。
坐底冇耐，職員就為我地細心介紹餐廳食材，而且呢間居酒屋可以要求由師父發辨，「OMASKASE」岩晒我地呢D選擇困難症既人。
首先師父為我地準備左一個軟殼蟹沙律作為一個前菜，原隻既軟殼蟹上碟，賣相非常吸引，而且沙律醋味道非常開胃醒神。
第2道菜就係一個鵝肝海鮮蒸蛋，賣相非常精緻，蛋上面有一塊幾厚身既鵝肝，蒸蛋非常滑，而且海鮮非常足料，有蝦、螺，魷魚，令到個蛋非常有觧味。
跟住就係一個刺身拼盤，呢個拼盤有5種刺身，每一種都係由師父因應每日最新鮮既食材而挑選。
第一款係魚安魚康魚肝，魚肝係一個擁有高營養既食材，師父仲配合特別醬汁同埋中華沙律，令到魚肝食落去一D腥味都冇，而且魚油豐富，味道濃郁。
第二款就係北海道牡丹蝦，非常新鮮，外表晶瑩剔透，肉質非常彈口爽口，而且仲有一種新鮮新蝦必有既膠質感覺，非常鮮甜。
第三款就係醬汁生蠔，生蠔大隻而且飽滿，配合日式醬汁，比起平時既食法有一種新鮮既感覺，生蠔本身都非常鮮甜。
第4款係主角既鯛魚刺身，鯛魚係高級食材，價錢亦都唔平，十分重魚味，師父刀功出色，每一塊都近乎透明。
最後一款係另一個主角，我十分期待既大拖羅，大拖羅係吞拿魚入面最最最靚既部位，油脂非常多，入口即溶，係吞拿魚入面既極致。
食完冷盤就到熱食啦，師父為我地準備左每人各3串既串燒，第一款蒜蓉光五花腩，五花腩既油香非常重，食落好惹味。另一款就係燒汁豬肉串，配合蛋漿非常好味。最後一款就係牛肉串，牛肉串5成熟，牛味重，而且肉質非常鬆軟。
再黎就係一個細既壽司拼盤，師父為我地揀左吞拿魚、黑鯥、金目鯛。三款都非常新鮮，而且每一款都有獨特味道，非常配襯。
最後一款就係餐廳另一個特別菜 – 和牛海膽燒，海膽勁勁勁新鮮，一入口海膽獨有既鮮味已經不停湧出黎，和牛亦都非常重味，所以唔會比海膽搶晒所有味，成個組合都味道都十分濃郁。
食到呢到已經非常飽，師父亦都最後為我地送上一個綠茶雪糕，非常圓滿。
總括，餐廳;由師父發辨非常考師父經驗，而且職員亦會為每一道菜作出介紹，上菜時間亦控制得好好，最重要係每道菜都可以令你有驚喜，咁既價錢食到咁高質素既食物，絕對超值。
张贴
