韓舍 (已結業)

旺角真係超多野食，今日想打邊爐，所以就試下韓舍。一上到去，門口有個影相道具位，寫明俾你隨便用，等位之餘都唔怕悶，好貼心。一入去，環境又大又新，好舒適。我地入到去先發現，隨左火鍋任食，仲可以當自助餐食，超誇張。另外仲可以選擇養生鍋，完全係滿足晒多人既慾望。先黎自選壽司，好新鮮，味道不錯。仲有好多款刺身，同樣新鮮好味。之後就係個養生鍋。好大隻雞，仲有好多藥材精心製作而成，好足料，而且個湯好甜，好好飲。難怪店員建議唔好浪費，一定要先飲晒個湯，先再開始打邊爐。實在太豐富，其實好到打邊爐都開始飽飽地。但打邊爐既美食多到唔知點選好。特別係牛肉同豬肉，好薄，好岩已經好飽又忍唔住繼續食既我地。