Pho Hoi An (已結業)

今晚我們喺尖沙咀附近做完嘢之後，我們去咗isquare搵吓有咩好食？睇咗一陣，我們都係揀返之前食過幾次覺得出品都幾好嘅「Pho Hoi An」食晚飯！我們叫咗生牛肉牛丸湯粉、生牛肉湯粉同會安火車頭湯粉就不過不失，同以前食開唔算有好大嘅差別，河粉嘅麵質好煙韌軟滑，牛肉嘅肉質相當鬆軟，而且無乜多餘嘅脂肪，牛丸亦好爽口彈牙，而牛筋都算煙煙韌韌，但湯底就唔係好夠熱，呢樣就扣咗啲分！至於越式無骨海南鷄「半隻」就係要重點投訴嘅，一開始嚟到嗰陣，我們已經覺得份量好似好少，但心諗可能係無骨嘅關係，睇落會比較「扁榻」，同埋我們諗著之後會再叫其他嘢嚟食，怕他們會「整蠱」，所以我們就無要求更換照繼續食，點知夾咗兩「嚿」嚟食，就發現點解祇係得鷄胸、鷄翼得幾「嚿」同大量鷄皮？點解無咗鷄脾？無咗鷄脾嘅話，點算係半隻？我們最初同個男侍應反映話點解無咗隻鷄脾？個男侍應亦都話：「係喎！無可能無鷄脾喎！」，喺嗰個時間有位阿姐「即女主任」就走埋嚟兼好無禮貌咁話：「係咁㗎喇！啲鷄係我們一早起晒骨同切好晒，你叫先執一份畀你！」我們話：「點解會執到無咗鷄脾？」呢位超無禮貌嘅女主任就大聲鬧我們話：「咁你一開始又唔換！」見佢嘅態度咁