麻辣風雲 (已結業)

辣癮起又嚟同朋友食麻辣風雲喇，次次都係食酸菜魚同炸饅頭，今次決定試吓佢哋其他嘢！前菜夫妻肺片夠晒開胃🤗 大大片又薄身，吸盡辣汁，麻辣鮮香。椒鹽魷魚鬚炸到金黃色好吸引😍 香脆微辣惹味。咬落十分彈牙，而且唔會咬極都咬唔斷。估唔到麻辣風雲除咗辣嘢之外，小菜都掂喎！自選干鍋揀咗麻辣、小辣，本身鍋底已經包埋蓮藕、椰菜花、萵荀、京蔥，另有超多款餸揀（5款起），我哋揀咗雞腎、肥腸、豆卜、美國肥牛、特色牛肉餅。我哋覺得辣度啱啱好，既麻且辣平衡適中🌶 雞腎爽口，肥腸冇異味，特色牛肉餅嚼起嚟有種彈性嘅膠質，值得一試！