影片
更多
2022-09-29
309 浏览
放工喺紅磡站落車，唔想煮飯，就食埋飯先返屋企啦～平靚正選擇，可以去十三姨食酸菜魚😋之前同朋友食過幾次，Keep住水準唔錯～睇睇餐牌，佢哋有晚市自選套餐，二人套餐性價比非常高，非常豐富。如果一個人嘅話，另外仲有卜卜冒粉，就好似車仔麵咁，特別在可以揀水晶粉、擔擔面，下次試吓先🤤🤤二人套餐：招牌十三姨酸菜魚分量非常巨大！細食啲都食唔晒！個湯酸酸地，唔會太辣，好飲😋唔會太嗆原來冇講明要幾辣，店員就會自動幫你揀小辣魚片好滑，算幾大片，口感唔錯👍🏼但有少少比較幼嘅骨，所以都要小心食除咗酸菜，同埋魚片之外，佢哋嘅配料亦非常足料！有大大片嘅萵筍、大豆芽，同埋非常多水晶粉❤️❤️成件事感覺非常營養豐富！萵筍爽脆，大大片，夠晒滿足！水晶粉非常滑溜，qq口感，同啲湯一齊食，超滋味！雞絲涼粉涼粉肥嘟嘟，比較粗身，口感好得意，一咬即斷。涼粉本身冇乜味道，全靠醬汁同埋雞絲嘅味道，辣辣地，又有少少香醋味道，都幾開胃😎😎夫妻肺片非常欣賞夫妻肺片嘅辣汁！除咗辣之外，仲有麻香感覺！薄切牛肚牛肉好掛汁，同芫荽芹菜一齊食，又辣又清爽，好下飯👍🏼👍🏼👍🏼秘製雞翼二人套餐可以選擇嘅菜式好多，其中依款秘製雞翼係店員介紹嘅，又真係冇介紹
唔想煮飯，
就食埋飯先返屋企啦～
平靚正選擇，
可以去十三姨食酸菜魚😋
之前同朋友食過幾次，
Keep住水準唔錯～
睇睇餐牌，佢哋有晚市自選套餐，二人套餐性價比非常高，非常豐富。
如果一個人嘅話，
另外仲有卜卜冒粉，
就好似車仔麵咁，
特別在可以揀水晶粉、擔擔面，
下次試吓先🤤🤤
二人套餐：
招牌十三姨酸菜魚
分量非常巨大！細食啲都食唔晒！
個湯酸酸地，唔會太辣，好飲😋唔會太嗆
原來冇講明要幾辣，
店員就會自動幫你揀小辣
魚片好滑，算幾大片，
口感唔錯👍🏼
但有少少比較幼嘅骨，
所以都要小心食
除咗酸菜，同埋魚片之外，佢哋嘅配料亦非常足料！有大大片嘅萵筍、大豆芽，同埋非常多水晶粉❤️❤️成件事感覺非常營養豐富！萵筍爽脆，大大片，夠晒滿足！水晶粉非常滑溜，qq口感，同啲湯一齊食，超滋味！
雞絲涼粉
涼粉肥嘟嘟，比較粗身，口感好得意，一咬即斷。涼粉本身冇乜味道，全靠醬汁同埋雞絲嘅味道，辣辣地，又有少少香醋味道，都幾開胃😎😎
夫妻肺片
非常欣賞夫妻肺片嘅辣汁！除咗辣之外，仲有麻香感覺！薄切牛肚牛肉好掛汁，同芫荽芹菜一齊食，又辣又清爽，好下飯👍🏼👍🏼👍🏼
秘製雞翼
二人套餐可以選擇嘅菜式好多，其中依款秘製雞翼係店員介紹嘅，又真係冇介紹錯喎😎😎炸雞翼，外皮香脆，入面唔會太乾，仲保留咗少少肉汁。味道好似蒙古串燒咁，香濃惹味又唔太鹹👍🏼👍🏼
除咗嘢食之外，二人套餐仲可以選擇埋酸梅湯，酸酸甜甜，清新開胃。整體來講成個餐真係食到好滿足，好飽飽🥰🥰
张贴
