咖啡亭 (已結業)

估唔到餐廳細細但食物品質超讚！自問對食都頗有要求，加埋係生日飯，當然要好好咁揀！男友一向唔鐘意大包圍式buffet，希望可以食得精美，今次連佢都滿意了！長腳蟹：超粗超大兼充滿海水味，係我地最滿意之一，唔似得出面果啲成日都係冰！三款生蠔來自澳洲、法國等地既生蠔即開即食，鮮味到好似去咗法國食咁呀...最衰每次只可以攞三隻，就當作控制一下自已，試多啲唔同既野啦！翡翠螺﹕又係超大隻，好好肉地呀！龍蝦仔﹕又係充滿小龍蝦香味既！正！蝦﹕本來無咩寄望，但點知一食就知係好野喎，居然好有蝦味，而且肉質爽甜，絕非霉"dum duｍ”貨色！ｐａｒｍａ　ｈａｍ：無得傾，蜜瓜同哈蜜瓜既配搭一樣咁正！果種咸甜香真係令人回味！煙三文魚＋醃牛肉﹕男友至愛，佢話比起燒牛肉更正，而且煙三文亦係鮮味厚肉，忍唔住食咗兩件啦！烤芝士﹕熱哄哄既芝士配落去克力格上，果種香濃馥郁絕對係芝士迷必愛之選！燕窩燉奶﹕超級奶香兼ｃｒｅａｍｙ，好想食多碗，但真係好飽呀！吉士泡夫﹕外面加咗脆脆既糖漿，但亦唔太甜，美味！反而熱盤都係西式既ｏｋ啲，中式既都係一般，但以質素嚟睇，都係屬於值得再去既，希望質素可以ｋｅｅｐ住啦，唔好做起咗就變差！