立体派拉麵 (棉登徑) (已結業)

今晚我地黎到尖沙咀拉麵店-立体派食晚餐。拉麵店鋪位唔叫大，但帶俾人溫馨舒服感覺。我地叫左2碗拉麵同2款小食，分別為特級白湯（大）、海體醬油湯、香炸雞軟骨餃子同名古屋風雞翼。首先特級白湯(大)，湯底非常濃郁！🤤🤤飲得出廚師用長時間烹煮，配埋彈牙爽口拉麵，真係無得頂 👍🏼👍🏼 而且份量極大，加埋入口即溶嘅薄片叉燒，好適合胃口大嘅人。海體醬油湯湯底好清新，唔似其他拉麵店醬油湯太濃口味。最值得推薦就係配菜-黑豚腩肉，肉質炆煮剛好，口感超正！由於腩肉配埋麵鼓香蔥一齊炆煮，令香味味道提升另一層次！😍😍香炸雞軟骨餃子，香脆餃子原來配埋爽口雞軟骨係咁好食，好爽口彈牙！而且炸餃子一啲都唔油膩。👍🏼👍🏼名古屋風雞翼都係推介之選。香脆嘅外皮，鮮嫩多汁嘅肉，我諗唔到唔推介嘅原因 🤤🤤最後，重叫左兩支波子汽水。