影片
更多
2018-11-18
77 浏览
今日全日天陰陰，仲落下雨咁，拍拖節目唯有行商場。。知道奧海城最近有多啦A夢秘密道具研究所，所以好少黎奧運站呢邊既我地，今日就黎會一會多啦A夢唔想係大商場搵食，又好少黎呢頭，最後行左落大角咀，呢頭好多細細間既舖頭，行左個圈決定要對自己好d要食好西。鐵板燒就食得多，石頭燒真係第一次。入到去，座位唔多，餐廳得十零個位，不過感覺好舒服，靜靜地，聽住一d日文歌。叫左想食既肉之後，加$30仲可以配搭定食，有味噌湯、沙律、飯、雜菇同甜品。咁多野當然要加啦。上湯之前，侍應好細心問我地對海鮮有無敏感。因為味噌湯入面係有好多小蝦的，好體貼。讚！味噌湯: d小蝦令成個味噌湯好鮮甜，有少少脆咁，令個湯生色不少，靈魂所在。沙律(芝麻汁）: 沙律菜夠新鮮已經係最好味了，沙律上加左d海帶，即刻日式晒。肉肉主角出場侍應好耐心介紹我地碟上係咩肉，要每邊燒幾耐、側邊d調味點用、如果唔想用鹽既話，又俾左d燒汁同柚子醬油俾我地。(左) 澳洲和牛肩胛牛小排 $158，加$30定食三款肉入面最鐘意既一種，每邊煎1分鐘，好快有得食，加上佢油花豐富，有入口溶化既感覺，肉質好嫩。(右) 美國安格斯牛柳 $168，加$30定食牛柳係厚切
知道奧海城最近有多啦A夢秘密道具研究所，所以好少黎奧運站呢邊既我地，今日就黎會一會多啦A夢
唔想係大商場搵食，又好少黎呢頭，最後行左落大角咀，呢頭好多細細間既舖頭，行左個圈決定要對自己好d要食好西。鐵板燒就食得多，石頭燒真係第一次。
入到去，座位唔多，餐廳得十零個位，不過感覺好舒服，靜靜地，聽住一d日文歌。
叫左想食既肉之後，加$30仲可以配搭定食，有味噌湯、沙律、飯、雜菇同甜品。咁多野當然要加啦。
上湯之前，侍應好細心問我地對海鮮有無敏感。因為味噌湯入面係有好多小蝦的，好體貼。讚！
味噌湯: d小蝦令成個味噌湯好鮮甜，有少少脆咁，令個湯生色不少，靈魂所在。
沙律(芝麻汁）: 沙律菜夠新鮮已經係最好味了，沙律上加左d海帶，即刻日式晒。
肉肉主角出場
侍應好耐心介紹我地碟上係咩肉，要每邊燒幾耐、側邊d調味點用、如果唔想用鹽既話，又俾左d燒汁同柚子醬油俾我地。
(左) 澳洲和牛肩胛牛小排 $158，加$30定食
三款肉入面最鐘意既一種，每邊煎1分鐘，好快有得食，加上佢油花豐富，有入口溶化既感覺，肉質好嫩。
(右) 美國安格斯牛柳 $168，加$30定食
牛柳係厚切既，所以每邊要煎2分鐘，油花無牛小排咁多，但好有牛肉味，燒左4分鐘，肉裏面仍有d粉紅色，食落好juicy！
見到d牛咁靚，所以叫理豬，侍應介紹我地食餐牌上無既，西班牙黑毛豬豬梅肉，又抵又好食。
西班牙黑毛豬豬梅肉 $98
黑毛豬既脂肪分佈好靚，如我地所料，燒熟左之後仍然係嫩嫩的，肉汁好多，總之好好食，侍應無介紹錯。
雜菇:
燒菇比平時煮菜食既菇好味太多，因為燒既時候菇裏面既水份少左，所以全部既菇菇味好濃，又爽爽的。
到食淨幾塊肉既時候，侍應發覺我地塊石好似唔夠熱，就立即換過塊石俾我地再燒，真心抵讚！
因為其實就算唔換塊石，我地快快手燒埋d肉都應該OK的。係我地無求既情況下睇到客人既需要再主動幫忙，今時今日有幾多餐廳可以做到？
除左餐茶，仲有汽水呀，爽。
又又又一驚喜。。。。。
甜品: 抹茶雪糕。唔係唔係。係抹茶淋雪糕。
平時出去食飯跟餐既甜品通常都好hea，今日第一次自己動無做抹茶，將左既水倒落中間既抹茶粉中，再用右邊既抹茶掃去發抹茶，之後倒去雪糕度就食得，真係好有風味，而且自己有份整，特別好味，雖然已經好飽，但如果俾多10球雪糕我食都仲食到
食完埋單後，侍應又有溫馨提示，話如果怕一身油煙味，可以係門口有支野可以噴黎除味。
呢篇食評有d長，但食左短短一餐飯真係好多感受，好想話俾人知，呢度除左食物好味之外，服務真係超好，雖然我地唔係去高級餐廳又唔係駛好多錢食呢餐飯，但係環境舒服、服務貼心、野食新鮮好食既地方真係好難得。
好多小店都難捱租金越來越貴既問題，真心希望石一燒一直好生意，I will be back!
张贴
