悅滿軒

今日去打卡饒宗頤文化館既時候，見到紅磚牆入面有間幾隱密既餐廳，本身以為係食中菜既🤣點知係法國菜 menu價格出乎意料地唔算高，就決定give a try😋《香煎大西洋黑鱈魚配海鮮，蟹肉昆布汁》非常精緻既海鮮盤～全部海鮮鮮味十足，主打既黑鱈魚非常嫩滑多汁，海鮮泡既口感非常特別😁《慢煮法國春雞配牛肝菌珍珠麵，法國黃酒忌廉汁》好難得係香港食到珍珠麵～珍珠麵一粒一粒彈牙煙靭既感覺真係百試不厭，非常醬汁creamy 燒春雞就非常嫩滑，份量亦有誠意🥰《烤紐西蘭小龍蝦配西班牙紅花汁意大利飯》義大利飯整得好出色，黏膩得黎粒粒分明，軟中帶硬非常正宗，紅花汁既味道同龍蝦既鮮味非常夾，充滿層次😋