影片
更多
2011-04-16
17 浏览
baby生日,佢钟意食西餐, 我上openrice search过, 见到名仕餐厅好似几多好评, 所以就带佢来试下, 结果觉得都值得一试, 环境好靓, 服务都唔错! 但系我一心想食半自助晚餐,结果就冇食到,留返下次!门口有少少难揾, 因为唔显眼又在转角位, 要去café问左店员先揾到!入到去,真系有欧陆 feel,全场都系蓝金色tone,感觉好华丽,仲有水晶吊灯同埋台面有蜡烛,几有情调,好适合约会。可惜生意一般,我地7点入座, 都只系得10个客左右, 有3个员工!可以想像service应该好贴心! 一坐低已经有水饮有menu, 服务非常快速, 由于我地未来过, 叫左好好笑容既waiter哥哥介绍俾我地,佢都好有心机讲解, 隔左一阵仲拎长条形好味面包俾我地食。介绍完之后佢都俾时间我地再睇下menu先order, 见到有个tasting menu主菜系羊, 羊痴baby谂都唔谂就决定order, 成800几蚊哦,我心谂如果唔好食点算! 见个menu好似几多野食, 所以我本人只系order左一客法国火腿伴沙律! 我个order就好快有得食, 可能因而唔使煮, 10分钟都未够就到左, 另一个w
baby生日,佢钟意食西餐, 我上openrice search过, 见到名仕餐厅好似几多好评, 所以就带佢来试下, 结果觉得都值得一试, 环境好靓, 服务都唔错! 但系我一心想食半自助晚餐,结果就冇食到,留返下次!
门口有少少难揾, 因为唔显眼又在转角位, 要去café问左店员先揾到!入到去,真系有欧陆 feel,全场都系蓝金色tone,感觉好华丽,仲有水晶吊灯同埋台面有蜡烛,几有情调,好适合约会。可惜生意一般,我地7点入座, 都只系得10个客左右, 有3个员工!可以想像service应该好贴心!
一坐低已经有水饮有menu, 服务非常快速, 由于我地未来过, 叫左好好笑容既waiter哥哥介绍俾我地,佢都好有心机讲解, 隔左一阵仲拎长条形好味面包俾我地食。介绍完之后佢都俾时间我地再睇下menu先order, 见到有个tasting menu主菜系羊, 羊痴baby谂都唔谂就决定order, 成800几蚊哦,我心谂如果唔好食点算! 见个menu好似几多野食, 所以我本人只系order左一客法国火腿伴沙律! 我个order就好快有得食, 可能因而唔使煮, 10分钟都未够就到左, 另一个waitress知我地share食, 上菜时自动俾埋两只碟同多1set餐具。火腿咸咸香香, 不过10片都冇, hk$288真系太贵…个蜜瓜沙律又清甜, 好快就ko晒… baby个 set 就一道道咁上菜, 头盘带子沙律都好快上台, 带子几好味又大只。 跟住有个”香辣乳鸽” (西餐有乳鸽???) 我唔食辣所以冇试, baby话唔系好辣但又几入味㖞!仲个忌廉汤, 上面有黑鱼子, 味道普通但有黑鱼子令佢矜贵好多。食完之后, 主菜”宝云酥羊柳伴蒜香薯蓉”隔左10分钟先上, 都ok啦,可能知道我地就快食晒先再煮。上台都烧得几香，baby话入囗外层就脆，内层就多汁，都几好味, 我怕膻所以都只系试左一啖, 好似又唔太膻丫, 个蒜香薯蓉就好好味喇, 俾我食晒, baby冇份!最后仲有苹果批同雪糕做甜品, 苹果批热辣辣几好味。
埋单连加一要千二蚊, 唔系太多食物落肚, 只系刚好够饱来讲, 其实几贵, 不过只系好间中一次,算啦! Waiter哥哥俾左张form我地申请做会员, 话以后有8折, 都好丫, apply又唔使钱。
p.s. 临走时发现(偷听到) 用citibank credit card食半自助餐有7折优惠, 每人可以平百几二百蚊! 另外都仲有其他credit card有折, 详情可以订位时问问店员
张贴
