阿里郎熱狗棒 (已結業)

某日同朋友路過一間門面好吸引既韓式熱狗棒店，店鋪主要以韓式小食為主，主打當然係熱狗棒，仲有其他韓式小食，吐司同rice cake都好多選擇嫁，我地揀左食一個韓式烤肉多士，多士入面有好多涵料，青瓜，芝士，烤肉，厚厚既吐司麵包層，口感層次好豐富，食落多汁美味，食物即叫即整，保証熱辣辣，朋友叫左一支車打芝士熱狗棒，外層沾有糖粉，之後再加芝士醬同茄汁醬一齊食，咬落勁拉絲既芝士涵，加左糖粉芝士醬口感甜甜酸酸幾得意，我地仲叫左兩個rice cake甜品，一個烏梅柑橘，外層用紅豆包住內層既柑橘，酸甜解膩，如果紅豆無雪甘硬就更好，另一個係桃味rice cake,桃味香濃，可以encore🤣