Relish Kitchen by ALOT (已結業)

今日嚟到airside呢個新商場，發現咗一間超級無敵靚嘅餐廳，呢度好闊落，又用咗真嘅聖誕樹，所以好香，加上買好多精品嘢，感覺好新鮮。食物嘅質素都幾高！鮮澳洲黑毛安格斯100天穀飼牛肉眼（8oz）伴炒野菜•山葵幼滑薯蓉 $238 我哋要咗三成熟，廚房真係主導剛剛好三成，喺出邊啲餐廳好難做到，永遠都過熟，唔合我口味，加埋呢度好多蔬菜，配埋真係幾好食。芝士澳洲和牛漢堡伴焦糖洋蔥•田園沙律•炸甜蕃薯條•松露醬 $158 呢個漢堡包超級好食，直頭好似出邊街嘅高級漢堡包咁樣，啲肉好濃肉味， keep住好Juicy，個包都整到脆脆地！香草牛油焗脆皮殼田螺薯蓉（6隻） $108 呢個我覺得超特別，佢係連個殼都食得！set menu都包湯或salad，今日我地要左粟米忌廉湯，首先就係要讚吓個湯超級夠熱，加上好濃滑。加$34可以配任何飲品(craft系列，hand drip coffee 同酒類例外），所以我要左杯熱uji matcha latte with oat milk （加$5）甜品方面就叫咗個好有聖誕氣氛嘅紅莓慕絲蛋糕配藍莓果漬醬，下面個餅底好脆身，蛋糕又唔會過甜。