榴槤樂園 (金巴利道) (已結業)

作為香港少有的榴連主題餐廳，除咗有原隻榴連，亦有榴連鐽同飲品（而家比較少有甜品了）而餐廳的裝修配合主題增添咗唔分的榴連公仔同裝橫，甚至連廁所亦非常特別（大家如果有機會一定要去睇睇😂）疫情期間普遍8折（以前只有會員先有）一個4.5磅嘅貓山皇賣單大約400多左右 除咗長住嘅D24 亦會有黑刺 小甜甜 但期期唔同 品種多又齊全實熟少有 但去之前要先打去問問 （我食咗咁耐 仲等緊小葫蘆同紅肉）今日呢個4.5磅嘅貓山榴 肉塊黃盈飽滿 每一瓣都呼之欲出 下手去捏亦非常實在有肉感 入口香氣與甜味瞬間侵占口腔所有觸感 甚至連嗅覺也一同被俘虜 甘甜一點點累積 微苦的中和和滲透令到食客每食一啖 口感上的滿足更多一分 所以一個人慢慢食一至一塊半 其實已經非常足夠 今日呢一個貓山皇已經夠3個人分享 （當然如果食唔晒 呢度亦都提供真空包裝外賣服務 令你不致於在公眾地方被人怒啤😂） 呢個價錢比起自己出去 真係非常之抵 重點如果係想尋找特別品種（好似我咁）呢度亦都係一個唔錯嘅選擇 而且亦有A級樹上熟氮氣榴連售賣 如果下次經過尖沙咀又食想甜品 呢度亦都係一個唔錯嘅選擇榴連樂園地址：尖沙咀金巴利道92號