星海薈 (利舞臺廣場)

营业中

休息中

因為之後要幫公司搵一間餐廳做公司聚餐嘅場地，於是今日特登入埋朋友嚟尖沙咀呢間分店視察吓環境，結果真係超滿意，呢度裝修好華麗，因為本身都係婚宴場地，另外都好適合公司聚餐，因為可以放好多張大枱，食物方面更加係超好食！@the.starview夏季推介菜式亦都有唔少選擇，而我哋今日都叫咗幾樣！最震撼當然就係個招牌白胡椒蟹焗飯，一大鍋咁樣上，啲飯焗到粒粒分明，加埋白胡椒醬真係好惹味，最緊要就係個蟹真係超大隻，食落啖啖肉，肉質又新鮮，真係冇得頂！ 遠年陳皮燒鵝伴陳村粉都係一大特色，而家好難喺香港食九層磚粉，呢度嘅陳村咁口感好滑好嫩，加埋燒鵝汁好好食，燒鵝亦都好出色，外皮脆脆地，脂肪層唔會太厚，連埋啲肉一啖咁樣食好有層次感，回味無窮！ 夏季推廣菜式就要左樂仙腐竹煮鮮蝦滑同杜阮涼瓜炒海斑球。樂仙腐竹煮鮮蝦滑相對比較清淡，但係湯底都係鮮甜濃郁，蝦滑夠彈口，腐竹份量都好多！涼瓜炒海斑球炒得完全唔會話油膩，魚塊亦都好厚實，難怪係海斑！