火赤

营业中

休息中

今日收工冇嚟啦間好想食呢間，就同朋友兩個打算直接入嚟睇吓有冇位，就如我哋諗嘅，室內位真係都已經冇晒，張張枱都話已經預訂咗，好彩今日天氣唔係咁熱，我哋可以坐室外，原來坐室外都有另一種風味，佢哋勁好會特登攞喇叭出嚟播啲輕快嘅日式歌，成個感覺都好chill!燒鱈魚乾係前菜，燒過有微暖，脆脆地好好食。今次有五色調味粉，分別係柚子鹽、岩鹽、山葵粉、七味粉、一味粉。我自己就最鍾意山葵粉同柚子鹽。雞頸肉口感有啲煙韌，但係肉質幼嫩，配埋青檸汁一齊食，超好味。雞尾即燒即食，外面超脆，有微微燒焦嘅味，同啤酒一齊食，超級夾。雞上髀肉淡淡都係肉，配七味粉食更好食。免治雞肉棒每人都會配上一隻生雞蛋，真係必點。開心果醬汁超好食，有微微甜味，完全唔腥。香蔥豚肉卷一口成啖食尤其特出爆汁效果。木魚青椒同秋葵我比較鍾意食秋葵，因為可以脆口之餘亦都好juicy。醬油燒飯團燒得剛剛好，讓人甜甜地，畫上完美嘅句號。