阿爺粥品手工涮涮鍋 (已結業)

見到openrice咁多人推介，滿心期待咁嚟試試粥底打邊爐，點知中晒伏！！！任食連埋加1每位300蚊（已經係最平嘅set），食物質素重衰過百幾蚊嘅任食打邊爐，牛肉老而無牛味，餃子嘅皮又勁厚，所謂嘅海鮮全部無鮮味兼肉質霉爛，食象拔蚌時更加唔知自己食緊乜，因為味道質感完全唔似象拔蚌，全場最好食嘅係碟午餐肉，而且食到最尾個粥底都依然係淡而無味！服務態度就更加差到爆晒燈，D侍應除咗叫你埋單嗰吓有少少笑容，其餘時間黑口黑面，叫佢哋拎多對筷子竟然話無囉～以後唔會再幫襯！！！我好少打食評，但今次真係忍唔住要同大家share！