The Big Things Noodles (已結業)

Bookmark咗呢間舖頭好耐，見到有唔同款式嘅麵類，而且好似fusion幾有趣就過嚟試吓。叫咗三款麵$406，三款都超級超級難食。一款係龍蝦湯海鮮烏冬，食落口好似一個有少少腥味嘅白恰烏冬。完全冇龍蝦湯嘅味，好淡嘅腥味，墨魚仔又係無味，超級難食，食咗幾啖就食唔落。另一款係海膽烏冬，又係好腥同埋好唔新鮮，咁嘅嘢都整出嚟賣俾人，寧願食個公仔麵就算。最後一款係卡邦尼烏冬，其實呢款都係難食，個味奇怪成個配搭都唔好，但就冇另外兩款咁難食，起碼唔係腥嘅。真係永遠都唔會再嚟，大家都唔好中伏啦。