Seafood ghost (已結業)

知道石門有間食海鮮好出名嘅餐廳叫Seafood Ghost，今次決定外賣自取帶多d海鮮返屋企同家人分享。Order咗兩個手抓海鮮餐，分別係日本南瓜味同埋蒜蓉牛油味。兩個餐分別都有時日精選靚湯係龍蝦湯，味道濃沃而且一d都唔鹹好有海鮮嘅味道，配上香脆蒜蓉包簡直係一絕。海鮮餐入面嘅份量真係好多，有龍蝦、鮑魚、肉蟹、翡翠螺、魷魚、草蝦、青口，仲有粟米、西蘭花等等嘅蔬菜，海鮮嘅材料真係超多而且絕對新鮮。日本南瓜味就好有田園氣息，蒜蓉牛油味就比較香口惹味，最緊要係無論海鮮蔬菜都入曬味，食到我屋企人都舐舐脷。最後仲有Movenpick雪糕，真係食到好滿足。如果有餐聚我一定會再嚟Seafood Ghost同朋友聚一聚。