影片
更多
2019-06-12
430 浏览
六月又係父親節，今年同老爺提早慶祝，我哋就決定一家一齊去食自助餐，因為乜都有得食，唔使就邊個，總有一樣啱大家口味。食自助餐梗係首先趁肚餓嘅時間，食返啲回本食物啦，呢度有好多新鮮海鮮，有我最愛嘅長腳蟹，龍蝦仔，翡翠螺，仲有大大隻蝦都非常鮮甜，而且非常新鮮，最開心係全晚無限量供應，唔會食完兩輪之後冇得再食。除咗凍海鮮仲有熱盤海鮮，芝士焗龍蝦，太心急想食未影相己經放左入肚，哈！仲有好多其他不同嘅蒸海鮮，一樣好味。酒店近排做緊父親節主題，用威士忌整出不同食物，我平時飲酒都唔會飲威士忌，但係原來配上食物，感覺到好大陣威士忌味道不過唔會太濃烈，而且威士忌味道亦都唔會蓋過食物本身的原味，就好似呢個炆鮑魚，我老爺非常鐘意。我好鍾意食鵝肝，呢度雖然係煎鴨肝，但係一樣咁好味，外脆內軟，好香！配埋甜甜酸酸的醬汁一齊食，我忍唔住食咗三碟，哈，肥死都唔理囉！Pama Ham配蜜瓜一直係我用來送酒的最佳食物，但今次特別啲試吓用嚟配奶蓋烏龍茶，估唔到同樣咁夾。牛柳粒厚切再配蒜片一齊食，醬汁濃郁，好有牛味。除咗厚切牛柳粒仲有即燒薄牛肉片，一樣好味。甜品除咗有不同款式嘅蛋糕，甜品、生果等，但我覺得最精彩都係有即時制的窩
食自助餐梗係首先趁肚餓嘅時間，食返啲回本食物啦，呢度有好多新鮮海鮮，有我最愛嘅長腳蟹，龍蝦仔，翡翠螺，仲有大大隻蝦都非常鮮甜，而且非常新鮮，最開心係全晚無限量供應，唔會食完兩輪之後冇得再食。
除咗凍海鮮仲有熱盤海鮮，芝士焗龍蝦，太心急想食未影相己經放左入肚，哈！仲有好多其他不同嘅蒸海鮮，一樣好味。
酒店近排做緊父親節主題，用威士忌整出不同食物，我平時飲酒都唔會飲威士忌，但係原來配上食物，感覺到好大陣威士忌味道不過唔會太濃烈，而且威士忌味道亦都唔會蓋過食物本身的原味，就好似呢個炆鮑魚，我老爺非常鐘意。
我好鍾意食鵝肝，呢度雖然係煎鴨肝，但係
一樣咁好味，外脆內軟，好香！配埋甜甜酸酸的醬汁一齊食，我忍唔住食咗三碟，哈，肥死都唔理囉！
Pama Ham配蜜瓜一直係我用來送酒的最佳食物，但今次特別啲試吓用嚟配奶蓋烏龍茶，估唔到同樣咁夾。
牛柳粒厚切再配蒜片一齊食，醬汁濃郁，好有牛味。
除咗厚切牛柳粒仲有即燒薄牛肉片，一樣好味。
甜品除咗有不同款式嘅蛋糕，甜品、生果等，但我覺得最精彩都係有即時制的窩夫，唔好以為窩夫好普通，佢係用斑蘭粉做的，味道特別好食，配埋大牌子movenpick雪糕，小朋友又係呢d甜品用來回本，不過對於小朋友來講，食兩碟雪糕真係冇難度。
飲飽食醉就係食自助餐嘅目標，呢度選擇好多，有好多唔同食物我都不能夠一一介紹，不過我老爺奶奶同埋小朋友，都對今次自助餐十分滿意，同埋因為今次係父親節主題，每一張枱嘅其中一個父親，仲有一份小禮物送添，Yeah.. Happy Father’s Day!
张贴
