影片
更多
2021-12-12
54 浏览
一直好想嚟呢一間打卡，貪佢空間感夠，又有窗口位可以望住綠色嘅樹休閒一下！豬頸肉泡菜蘋果漢堡漢堡份量好大件，一層層搭到好分明，5大片既豬頸肉煎得香口帶爽口，泡菜亦都為整個麵包加添左少少酸辣嘅味蕾，再加上蘋果嘅清甜，三種截然不同嘅食品居然都幾夾，旁邊仲配有新鮮熱辣辣嘅薯條。包皮亦都預先搽咗牛油去烤。奶油南瓜蟹肉意粉呢碟意粉嘅醬汁非常之多，帶有點點嘅奶香同綿滑既南瓜蓉，一絲絲嘅蟹肉加上粒粒魚籽非常清甜，同時帶小小嘅鹹香，意粉之上仲有一隻大蟹鉗，不過略嫌太多粉，口感似魚蛋。燕麥搖好少見到呢一類型嘅飲品，但係本身燕麥係唔一種好有營養又高纖維嘅產品，飲落去罪惡感都唔會太多。沙冰打得好碎，入口都比較順滑，加上草莓雜果嘅酸酸甜甜，令成杯飲品更加出色。有機多明尼加朱古力上到嚟見到有片橙皮乾，幾特別，飲落去朱古力味好香濃，但係唔會太過甜，絕對啱我呢一個朱古力愛好者。餐廳嘅餐牌唔係特別多選擇，不過貴精不貴多，亦都會定時定候更換餐牌。餐廳環境好闊落，空間感好大，用餐時間仲可以有120分鐘咁長添！
豬頸肉泡菜蘋果漢堡
漢堡份量好大件，一層層搭到好分明，5大片既豬頸肉煎得香口帶爽口，泡菜亦都為整個麵包加添左少少酸辣嘅味蕾，再加上蘋果嘅清甜，三種截然不同嘅食品居然都幾夾，旁邊仲配有新鮮熱辣辣嘅薯條。包皮亦都預先搽咗牛油去烤。
奶油南瓜蟹肉意粉
呢碟意粉嘅醬汁非常之多，帶有點點嘅奶香同綿滑既南瓜蓉，一絲絲嘅蟹肉加上粒粒魚籽非常清甜，同時帶小小嘅鹹香，意粉之上仲有一隻大蟹鉗，不過略嫌太多粉，口感似魚蛋。
燕麥搖
好少見到呢一類型嘅飲品，但係本身燕麥係唔一種好有營養又高纖維嘅產品，飲落去罪惡感都唔會太多。沙冰打得好碎，入口都比較順滑，加上草莓雜果嘅酸酸甜甜，令成杯飲品更加出色。
有機多明尼加朱古力
上到嚟見到有片橙皮乾，幾特別，飲落去朱古力味好香濃，但係唔會太過甜，絕對啱我呢一個朱古力愛好者。
餐廳嘅餐牌唔係特別多選擇，不過貴精不貴多，亦都會定時定候更換餐牌。
餐廳環境好闊落，空間感好大，用餐時間仲可以有120分鐘咁長添！
张贴
