印度美食風味屋 (已結業)

假日一家老少去到赤柱廣場，見到呢間餐廳唔駛等位，諗住一試。入到餐廳一個人都冇仲以為中場休息，轉頭有位唔知係老闆定店員嘅印度籍人仕走出黎，問佢店舖係咪營業中，佢勁粗聲咁應話營業中。問佢可唔可坐其中一張枱，佢用幾乎呼喝嘅聲音講話你鍾意坐邊張就邊張，對客人極度無禮。無歡迎，無笑容，無招呼，餐牌都未睇就非常白鴿眼咁講冇餐，只叫薄餅絕不招待等等。其實只要有禮貌地講明最低消費，根本唔需要理會個客叫咩食，客人自會選擇。今時今日咁嘅服務態度認真過份。