宮崎肉本舖 (已結業)

今日搵埋食肉獸朋友一齊挑戰宮崎櫻花牛套餐😝 有十款唔同部位，包括：西冷✨和尚頭✨壽喜燒前腿肉✨肩里肌✨肩口肉✨牛助肉五花腩✨內後腿肉✨外後腿肉一上枱已經哇一聲，好壯觀，肉嘅紋理同油花分布平均，好有食慾😍 西冷同壽喜燒牛肉會由店員親自燒好，剪好咁送到你面前，亦會講解食牛肉嘅先後次序，服務好好！和牛肉味濃，兼有油脂香，超飽，大滿足🤯其他肉類嘅話我推薦香草醬雞肉，醬汁比較少見，醃得入味；而雞腎口感爽脆，值得一食！；從來未食過雞冠，本來有少少卻步，但食完一啖之後改觀，完全冇任何難接受嘅味道！肉類以外嘅選擇款式都唔少，雜錦天婦羅炸粉厚薄適中；最後再以柚子雪糕作結，非常滿足嘅一晚！