越北牛肉粉

营业中

休息中

成日經過都見到呢間越南粉餐廳好多人排隊，今日好彩早咗有位，就去試吓啦。一睇Menu估唔到啲價錢咁平，唔怪得咁多人啦。除咗越南粉之外，見到好多人喺度打緊邊爐，嘢食嘅種類好多。而且位置坐得好舒服，平時食完腩粉好多餐廳都比較迫或者熱，呢度環境真係好好。我就叫咗個生牛肉湯河，一上枱已經見到嚿牛肉好靚，食落入口即溶，食得出係新鮮嘅牛。而且牛味好重，襯埋個湯底真係一流。另外我哋仲叫咗個炸雞翼，雞翼炸得外脆內嫩，而且夠晒大隻，價錢仲好平添。我覺得呢個滴漏咖啡好特別，好似好少香港見到，好有真係去咗越南嘅感覺。呢間餐廳又平又抵食，而且服務態度都係好，唔怪得咁多人啦。