稻香超級漁港 (朗屏商場)

营业中

休息中

今次算是自入秋立冬以來第二次在這𥚃吃的晚餐。呢間地方好大好闊落，燈光又充足，老人家同我都好滿意。上次試咗大閘蟹，今次試新推介，就是金蒜烤雞，上菜給我們的驚喜，由於她認得我們次來的時候喜歡影相，相機食先的原因，來了一個好大的雀籠，而𥚃面是我們點的烤雞，扺讚，除了賣相觸目之外，好香蒜味，鷄皮好脆，肉質好滑，唔太鹹，半隻都是衹不過$48，仲好抵食𠻹！第二道菜就是魚香茄子煲，熱辣辣的煲身，裡面的醬汁熱到好似水滾咁，茄子軟冧冧，魚香味濃餸白飯一流。再加一碟鮮竹鯪魚浸翡翠，上菜時都熱的，但等了一陣，再食時就開始覺得魚肉有啲腥湯都是一樣，賣相又麻麻，溫室菜苗太瘦，有渣，呢碟菜認真差咗少少。總括酒樓每一個員工服務態度欣勤有禮，笑容滿面，酒樓甚至洗手間都好乾淨，令我們食得開心又安心。