板卷 (已結業)

今次第二次食，諗住比第二次機會。價錢偏貴，但質素普通，唔好有期望會好啲。壽司師傅態度好好。反而係收錢嘅女仔問5句先答一句，成日掛住撳電話。俾張印花卡你又唔講有咩用！問佢，佢就用個頭望一望佢收錢嘅位出邊(意思即係叫你自己睇)。當我個外賣可以拎得，佢都冇叫我。嗰陣完全唔忙，得我一個。好彩我自己間唔中望吓，冇顧住玩電話。當然我唔係期望有咩服務。但係我覺得基本嘅禮貌同對話，係需要有😂！平時行過都見佢喺度，唔知道佢係老闆個女定係老闆嘅朋友，但係我覺得咁樣真係唔太好。