燒烤堂

营业中

休息中

首先講咗地方先，樓底矮，所以比較嘈，比較難傾偈。唔係屬於華麗嘅裝修，簡簡單單，但係都乾淨嘅。食物種類都多選擇嘅，可以話你想要嘅串燒，佢都有得俾你食。食物質素真係幾好，雖然佢哋唔會有好靚嘅擺盤，簡單上枱，但係味道係值得一讚嘅。仲要超級抵食，兩個人叫咗13碟串燒，再加兩個嘢飲，埋單都唔使$450 ，抵到爛。特別推介「豚肉日本蘋果卷」食落去口味好清新。「味淋魚干」夠乾身，好香口👍🏻。「汁燒煙韌年糕卷」好有口感，煙煙韌韌，個汁又好好味。食物上枱好快，可能因為有限時嘅關係，同埋佢哋嘅食客比較年輕，年齡層應該係20幾歲，雖然會比較嘈，但氣氛幾好。