明朝人氣甜品店 (已結業)

香蕉船大家就食得多啦，大件夾抵食既就應該好少有機會食到。呢間甜品店既香蕉船絕對係可以食得飽既，原隻香蕉咁上再加cream同三球自選雪糕，仲有靚靚顏色條同oreo條做裝飾～小妹就自選左芒果、雲呢拿同朱古力味雪糕雖然食完之後好gulity,呢隻船既熱量勁多，但一見到咁多野食小妹一於咩都唔理～呢度既香蕉聽老闆娘講係每日新鮮運到，口感軟綿綿，連埋cream一齊幾乎唔使咬就吞左入口～唔想食軟野可以食下香濃脆脆既oreo條，每一啖都有唔同口感，加埋啲雪糕一齊放落口真係為炎熱嘅夏天帶嚟清涼嘅感覺～不過有一點唔太好嘅就係間餐廳有啲臭。唔知係咪因為喺大排檔隔離嘅關係，時不時都會有啲臭味傳嚟，有時真係幾影響食慾