錦丼 (iSQUARE國際廣場) (已結業)

約左3個朋友食lunch，weekday lunch hour 居然唔洗等位真係好門面裝修已經好有特別，好有feel，店內裝修都幾靚喎，我幾中意佢地嘅sushi bar。當日佢地個石狩魚頭窩做緊特價，$48一個呀！係一個❗❗❗佢有個前菜，一碗白飯，同一個窩，同一杯野飲。個窩裡面有個大魚頭，豆腐，菜等等。個湯底我地3個都覺得淡咗啲，無咩味，雖然無咩味不過個魚頭好好吃，我自己加左少少七味粉調味。另一個朋友就叫左個鍋燒烏冬，呢個無做promotion，不過$62其實價錢都ok。個餐到我地一樣有前菜，飯同野飲，個鍋裡面有就有烏冬，雞蛋，天婦羅蝦，青豆，冬菇等等。朋友都話好好食，我都試咗一啖，絕對係濃味過我個鍋🤣🤣🤣其實佢地份量都好多，我地都有啲食唔晒，剩咗少少飯同烏冬係度。下次一定會再嚟食。