牛涮鍋もっと (已結業)

假期前夕唔知食乜，睇到廣告有半價外賣邊爐，試吓無妨。真係超級抵食。點左個2人餐，再加左小小嘢，埋單$180。返屋企打開，份量非常夠。根本唔需要加嘢已經肯定食唔晒。我地係sukiyaki 湯底。非常濃、足夠溝出好多湯。第一次千奇唔好落晒，否則會過鹹。牛肉唔係頂級，不過都夠牛味。肥瘦分明對我來講好有用 - 可以剪左肥膏食瘦肉。蝦就淋淋地。其他食材正常。總體來講無野可以批評。抵呀。我講左出來好多朋友跟我風添！