大堂酒吧

約咗幾個朋友食飯，有人想食串燒，上網搵吓見到呢度有串燒放題，仲做緊優惠，所以過嚟試吓！

上網搵食評搵唔到，淨係喺OpenRice見到兩個食評咁大把，初初都有啲擔心唔知好唔好食，不過諗住酒店應該都OK。食完嘅結論係性價比好高，值得再試！

我哋每人食咗平均30寸！呢度仲有汽水啤酒果汁任飲，仲有沙律吧，食完仲送Movenpick雪糕! 食物質素幾好，我覺得鰻魚好好食又多汁，雞翼，豬頸肉等等都質素平穩。

坐喺梳化食，又有啤酒任飲，感覺好relax，酒店職員服務態度都非常之好。