但見鶴咀附近冇野好食 就返番鑽石山揾食
碌碌下就見到呢間Antoshimo
瀏覽下d食評 見到好多人推介二段鍋
而且個價錢好親民 就同朋友決定try try
去到門口 見到大大個沖繩二段鍋燒定食招牌
就即刻排隊 雖然係下午茶時段 但都要等5分鐘先入座
呢度採用QR code落單
我同月友都揀食二段鍋定食
首先揀第一個鍋
朋友揀左A2 黑椒牛油蜜糖芥末鍋燒炸雞
我就揀 A5 壽喜燒鍋煮美國肥牛
第二個鍋就揀B1 蕃茄鍋燒山芝士炊飯
跟餐飲品有8樣選擇
朋友揀黑糖檸檬茶 我揀可口可樂
最後附送一個預設甜品
今日就係沖繩海鹽焦糖冬甩雪糕
點完餐 等左大約10分鐘
終於上齊菜 影張大合照先
不過老實講 預覽圖同成品有段距離
A2 黑椒牛油蜜糖芥末鍋燒炸雞
睇落覺得好乾 食落冇乜芥末味 D炸雞都好柴
除咗個鍋夠熱都冇乜出色嘅地方
A5 壽喜燒鍋煮美國肥牛
4
呢個鍋比較好 壽喜燒同肥牛好夾
仲有粉絲同生菜做配菜 內容好豐富！
B1 蕃茄鍋燒山芝士炊飯
蕃茄味夠濃 炊飯粒粒分明
好多芝士 可以拉到長長嘅芝士絲
3個鍋入面最滿意呢一個
沖繩海鹽焦糖冬甩雪糕
最後嘅跟餐甜品
涼浸浸嘅雪糕加上温温熱熱嘅冬甩
口感好正 甜度適中
作為一餐嘅埋尾十分滿意
食左咁多野 埋單都係每人79蚊
抵食得黎 味道又唔錯 非常推介！
