影片
更多
2017-10-02
770 浏览
第一次食呢間餐廳, 冇諗過會有咁多問題首先，價錢好貴，主菜平均要$240以上(大份既大概$300)，我地一行8人，全部要大份。不過每酥既份量就算每人分少少，最多都只係分到5-6個人。以千層面既份量最過分，可能同PIZZAHUT既分量差不多，不過價錢係3倍。份量細，價錢貴都算.... 過分既係由落ORDER到第一個意粉到，足足等左超過1小時，PIZZA等左1小時20分。再者，所有食物既味道一係調味好怪，一係好難食，一係冇味。服務方面，雖然未至於之前既食評形容得咁差，但真係唔太好，所有侍應都係同一個樣，黑面 ! 不過叫做你問佢會答咁LOR。佢主打既係玩樂設施，我冇份玩，我唔知係咪好，不過同枱既小朋友家長問有冇兒童餐具，佢地冇。有冇兒童餐? 又冇。以一家咁既所謂親子餐廳，連呢兩樣野都冇就有點過分。最大問題係佢有Min Charge ，連未夠兩歲既B 都話要Min charge $200，果下堅係嬲，大人我覺得OK... Under 2 都要就唔Make sense !!! 不過，以佢地既定價，都好難唔過，只係佢地既態度係惡劣。最神奇係食到最後，有四五個客人走入黎，問我地食完未走未? 話要等
首先，價錢好貴，主菜平均要$240以上(大份既大概$300)，我地一行8人，全部要大份。不過每酥既份量就算每人分少少，最多都只係分到5-6個人。以千層面既份量最過分，可能同PIZZAHUT既分量差不多，不過價錢係3倍。
份量細，價錢貴都算.... 過分既係由落ORDER到第一個意粉到，足足等左超過1小時，PIZZA等左1小時20分。再者，所有食物既味道一係調味好怪，一係好難食，一係冇味。
服務方面，雖然未至於之前既食評形容得咁差，但真係唔太好，所有侍應都係同一個樣，黑面 ! 不過叫做你問佢會答咁LOR。
佢主打既係玩樂設施，我冇份玩，我唔知係咪好，不過同枱既小朋友家長問有冇兒童餐具，佢地冇。有冇兒童餐? 又冇。以一家咁既所謂親子餐廳，連呢兩樣野都冇就有點過分。最大問題係佢有Min Charge ，連未夠兩歲既B 都話要Min charge $200，果下堅係嬲，大人我覺得OK... Under 2 都要就唔Make sense !!! 不過，以佢地既定價，都好難唔過，只係佢地既態度係惡劣。
最神奇係食到最後，有四五個客人走入黎，問我地食完未走未? 話要等我地張枱。我心諗呢間餐廳究竟識唔識開餐廳架。
张贴