影片
更多
2017-10-23
110 浏览
之前聽朋友講九龍城開咗間海鮮丼專門店，而且啲海鮮丼非常大碗，所以決定係試吓。餐廳係衙前圍道附近。我哋兩點去到，發現人頭湧湧，而且環境乾淨企理。見到牆身貼住呢兩款丼飯，而且仲有限定優惠，已經覺得非常吸引。我哋一坐低已經見到個暖壺，枱邊上仲貼住張貼紙，提醒我哋搖一搖，原來入邊係味噌湯。餐牌上丼選擇好多，而且仲有好多款小食，因為我地點左好多款小食，我地落單之前店員仲好細心，提醒我哋丼好大碗如果我哋四個人點兩碗丼已經足夠。松葉蟹腳及海膽蒸蛋，蒸蛋非常嫩滑，而且材料豐富。冷豆腐豆味香濃，上邊鋪上脆卜卜嘅櫻花蝦，配上芝麻醬同蔥花，味道一流。汁煮豬軟骨，豬軟骨非常入味而且骨位好林，配合芽菜一齊食，更加美味。鹽燒鯖魚燒嘅火候剛剛好，鯖魚肉質結實，口感一流。溫泉蛋炸雞沙律，炸雞非常香脆，沙律菜非常新鮮，配合溫泉蛋蛋漿一齊食，味道配合恰到好處。到主角丼，首先係漁吉特選丼，魚生覆蓋整個丼飯，魚生款式有十二種，左口邊、三文魚、白肉豚、台立、櫻花魷魚、帆立貝、赤蝦、三文魚籽、海膽、蟹籽、玉子仲有一條長長嘅星鰻，因此可以試吓不過好味，魚生非常新鮮，赤蝦爽口鮮甜，燒過嘅星鰻配上醬汁更添風味。龍王丸有成隻龍蝦，仲配帆
餐廳係衙前圍道附近。
我哋兩點去到，發現人頭湧湧，而且環境乾淨企理。
見到牆身貼住呢兩款丼飯，而且仲有限定優惠，已經覺得非常吸引。
我哋一坐低已經見到個暖壺，枱邊上仲貼住張貼紙，提醒我哋搖一搖，原來入邊係味噌湯。
餐牌上丼選擇好多，而且仲有好多款小食，因為我地點左好多款小食，我地落單之前店員仲好細心，提醒我哋丼好大碗如果我哋四個人點兩碗丼已經足夠。
松葉蟹腳及海膽蒸蛋，蒸蛋非常嫩滑，而且材料豐富。
冷豆腐豆味香濃，上邊鋪上脆卜卜嘅櫻花蝦，配上芝麻醬同蔥花，味道一流。
汁煮豬軟骨，豬軟骨非常入味而且骨位好林，配合芽菜一齊食，更加美味。
鹽燒鯖魚燒嘅火候剛剛好，鯖魚肉質結實，口感一流。
溫泉蛋炸雞沙律，炸雞非常香脆，沙律菜非常新鮮，配合溫泉蛋蛋漿一齊食，味道配合恰到好處。
到主角丼，首先係漁吉特選丼，魚生覆蓋整個丼飯，魚生款式有十二種，左口邊、三文魚、白肉豚、台立、櫻花魷魚、帆立貝、赤蝦、三文魚籽、海膽、蟹籽、玉子仲有一條長長嘅星鰻，因此可以試吓不過好味，魚生非常新鮮，赤蝦爽口鮮甜，燒過嘅星鰻配上醬汁更添風味。
龍王丸有成隻龍蝦，仲配帆立貝、左口邊、蟹籽同玉子，賣相非常吸引，龍蝦肉咬落爽口彈牙，飯配上蟹子味道極佳，兩碗丼飯飯嘅份量非常之多，足夠兩個人食。絕對係非常滿足嘅一餐。
张贴
