影片
更多
2019-11-23
248 浏览
啱啱去完日本，好懷念日本菜，今日終於嚟到呢間新開嘅日本菜餐廳試試，裝修非常日式，地下主要係做Omasaka，樓上仲有雅座，我和寶寶二話不說就坐咗去Omasaka位置啦!我哋叫咗燒物Omasaka ，菜式種類非常豐富！前菜係高麗菜沙律首次食高麗菜沙律，發現高麗菜唔單止爽脆，而且清甜，配埋芝麻醬，非常開胃！呢度菜出乎我意料之外，估唔到高麗菜嘅味道係好適合做沙律㗎 ！非常欣賞師傅巧奪天工，可以令到平平無奇嘅高麗菜製作成日式料理！燒物套餐包左幾款燒物，包括：天葵、煙肉番茄、雞翼、雞肉串等等。師傅非常用心去燒烤，而且用上新鮮食材，我見師傅即場喺蔬菜籃挑選新鮮蔬菜作為燒物，非常專業！雞翼燒得剛剛好，外皮不但脆口，而且帶有濃郁嘅雞油香味。師傅冇用到濃味香料調味，更加帶出雞嘅鮮味秋葵都燒得剛剛好！外皮脆香，內裏仍juicy!雞肉串非常好食，師傅話呢個唔係普通嘅雞肉，係非常罕有嘅部位，所以特別嫩滑，而且油香十足！呢條燒魚超級好食！師傅話係特登挑選新鮮嘅魚作為燒物，只需要加上簡單調味料，就可以帶原有嘅鮮甜味。而且魚肉嫩滑，配上焦香嘅魚皮，食到停唔到口！又點少得刺身呢！餐廳挑選時令海鮮製成刺身拼盤，唔新鮮都
我哋叫咗燒物Omasaka ，菜式種類非常豐富！
前菜係高麗菜沙律
首次食高麗菜沙律，發現高麗菜唔單止爽脆，而且清甜，配埋芝麻醬，非常開胃！呢度菜出乎我意料之外，估唔到高麗菜嘅味道係好適合做沙律㗎 ！非常欣賞師傅巧奪天工，可以令到平平無奇嘅高麗菜製作成日式料理！
燒物
套餐包左幾款燒物，包括：天葵、煙肉番茄、雞翼、雞肉串等等。師傅非常用心去燒烤，而且用上新鮮食材，我見師傅即場喺蔬菜籃挑選新鮮蔬菜作為燒物，非常專業！
雞翼燒得剛剛好，外皮不但脆口，而且帶有濃郁嘅雞油香味。師傅冇用到濃味香料調味，更加帶出雞嘅鮮味
秋葵都燒得剛剛好！外皮脆香，內裏仍juicy!
雞肉串非常好食，師傅話呢個唔係普通嘅雞肉，係非常罕有嘅部位，所以特別嫩滑，而且油香十足！
呢條燒魚超級好食！師傅話係特登挑選新鮮嘅魚作為燒物，只需要加上簡單調味料，就可以帶原有嘅鮮甜味。而且魚肉嫩滑，配上焦香嘅魚皮，食到停唔到口！
又點少得刺身呢！餐廳挑選時令海鮮製成刺身拼盤，唔新鮮都唔會食！
所有刺身都非常新鮮，每類海鮮都保持住色澤通透，帶有光澤，足以證明餐廳係用上新鮮海鮮
刺身非常厚身，譬如油甘魚足足有波子噤厚，而且冇根，入口即溶，又充滿魚油香！
呢個係櫻花豆腐，非常推介！豆腐係炸過，外表鬆脆，配上帶有薑味嘅櫻花蝦醬汁，小小辣辣地，令到豆腐嘅味道更豐富！
冷麵烏冬都好好食，麵條爽口，配上清甜嘅冷麵醬汁，味道非常夾！
套餐中包括埋水玄餅，為整個晚餐畫上完美句號，下次一定會再食過！
张贴
