The Pantry (已結業)

見最近souffle pancake咁紅，咁岩見到骨瘦食左呢間好似好好食哭，於是約個朋友仔同我去試下。大家都係抹茶控，所以主角梳乎厘班戟一定要點抹茶味，另外再叫多碟牛油果烤雞沙律，由於呢到既價錢對我來講有點高，所以就兩個人叫兩碟就夠。點知兩碟食物既份量都係非常之大，大得黎仲要好好食！souffle pancake好香既蛋味，帶點兒咸味，空氣感剛剛好，所以食完唔會好滯又或者好似無食過野咁，另下個抹茶醬同抹茶雪糕都係非常之好味，超香濃既抹茶味，又甘又香，完全滿足到我地兩位抹茶控，如果個抹茶cream可以再多d就好啦！